Sekutaura kwazvinoitwa ipapo vasvika muGuniuswa vakadzokera shure futi. Ndokuenda kuEthiopia, kwavakavaka mamwe masvingo futi. Kune mamwe masvingo avakavaka. Saka vavaka, ndokwaaigara mambo. Mambo wavo aigara umomo mumasvingo iwayo.
Ndobva vati, “Ha, ngatidzike,” ndobva vabva muEthiopia vachidzokera muArusha. Saka vana vasvika muGuniuswa. Vakagara, ndobva vagara, ndobva vadii? Vati “Ha, ngatifambe tiende mberi, tione kuti kwakadii kumberi ikoko.”
Saka vamwe vakasara kuGuniuswa, vamwe vakauya neukuku vachitevedza mvura, vamwewo vakauya neukuku vachitevedza mvura futi. Saka vamwe vakauya nepakati.
Vakauya nepakati ndobva vasvikoona Zambezi yakazara. Vakati “Ha! Mvura iyi hatikwanise kuita sei? Kuyambuka mvura iyi. Toita sei?” Ndopakatorwa jira, rakatorwa naBiri. Ndobva vatora jira, ndokurova mvura ndobva yakamuka, ndobva vafamba. Vachibuda kunze mvura ndobva yasangana, ndobva vauya kuno uku.